გამოყენების პირობები

Joom-ის გამოყენების პირობები

1. ზოგადი დებულებები

წინამდებარე „პირობები“ არის სახელშეკრულებო შეთანხმება თქვენსა და SIA „Joom“-ს შორის, რომლის მიხედვითაც:

„თქვენ“ ხართ ინდივიდუალური მომხმარებელი, რომელიც Joom-ის სერვისს პირადი მოხმარების პროდუქტების შესაკვეთად იყენებს (შემდგომში — „თქვენ“, „თქვენი“),),

SIA „Joom“ არის იურიდიული პირი რეგისტრაციის ნომრით 40103993365 და რეგისტრირებული მისამართით 78-1, Gustava Zemgala St, LV-1039, Riga, Latvia (Joom, „ჩვენ“, „ჩვენი“).

წინამდებარე ხელშეკრულების შესაბამისად რეგულირდება ჩამოთვლილის თქვენ მიერ გამოყენება და მასზე წვდომა:

ვებსაიტი https://www.joom.com და Joom-ის საკუთრებაში არსებული ან მის მიერ მართული ნებისმიერი სხვა ვებსაიტები ან მისი ნებისმიერი ნაწილი (ერთობლივად, „ვებსაიტი“),

ჩვენი მობილური აპლიკაცია „Joom“ ( „აპლიკაცია“, ვებსაიტთან და ვებსაიტის და/ან აპლიკაციის საშუალებით ხელმისაწვდომი ნებისმიერი რესურსის, ფუნქციის, ფუნქციონალურობის ან სერვისის ჩათვლით, ასევე მოხსენიებულია, როგორც „პლატფორმა“),

ვებსაიტის და/ან აპლიკაციის კონტენტი ( „კონტენტი“), და

კონტენტთან დაკავშირებით მომხმარებელთა მომსახურება (თანხის დაბრუნების ჩათვლით).

თუ არ ეთანხმებით აღნიშნულ ან ნებისმიერ მომავალ პირობას, გთხოვთ, არ ისარგებლოთ პლატფორმით (ან არ განაგრძოთ მისით სარგებლობა). Joom-ს ასევე უფლება აქვს, ერთპიროვნული შეხედულებისამებრ, უზრუნველყოს სხვა სერვისები ან ფუნქციები, რომლებიც რეგულირდება სხვადასხვა წესებითა და პირობებით.

ნებისმიერი შეკითხვის ან შეშფოთების შემთხვევაში, გთხოვთ, დაუკავშირდეთ Joom-ის მხარდაჭერის სამსახურს ვებსაიტზე „მხარდაჭერის“ განყოფილების ან აპლიკაციის ჩატის საშუალებით.

2. Joom-ის როლი თქვენს ტრანზაქციებთან დაკავშირებით

Joom უზრუნველყოფს პლატფორმას გამყიდველებისთვის, რომლებიც ექვემდებარებიან Joom-ის პოლიტიკას, რათა შემოგთავაზოთ და გაყიდოს გარკვეული საქონელი. Joom არ წარმოადგენს პლატფორმაზე შემოთავაზებული საქონლის გამყიდველს. პლატფორმაზე შეკვეთის განთავსებით შეძენის შესახებ ხელშეკრულებას უშუალოდ გამყიდველთან აფორმებთ და არა — Joom-თან. თქვენ მიერ შეძენილ ნებისმიერ პროდუქტთან დაკავშირებული თქვენი ნებისმიერი უფლება ვრცელდება მხოლოდ იმ გამყიდველებზე, რომლებისგანაც პროდუქტს შეიძენთ, და არა — Joom-ზე.

გთხოვთ, გაითვალისწინოთ, რომ Joom-ს არ აქვს კონტროლი პროდუქციის ნებისმიერი ასპექტის ხარისხზე, უსაფრთხოებაზე, ეთიკურობასა ან კანონიერებაზე, პროდუქციის ნამდვილობაზე ან სიზუსტეზე და გამყიდველების მიერ პროდუქციის გაყიდვის უნარზე — ასეთ ასპექტებზე, საბოლოო ჯამში, პასუხისმგებელია გამყიდველი.

იმ გამყიდველის საკონტაქტო ინფორმაცია, ვისგანაც პროდუქტი შეიძინეთ ან პროდუქტის შეძენა გსურთ, მოცემულია პროდუქტის გვერდზე. გამყიდველი პროდუქტის გვერდზე მითითებული საკონტაქტო ინფორმაციის სისწორესა და სიზუსტეზე ერთპიროვნულად არის პასუხისმგებელი. იმ შემთხვევაში, თუ გამყიდველთან დაკავშირება ასეთი საკონტაქტო ინფორმაციის საშუალებით შეუძლებელია, გთხოვთ, შეგვატყობინოთ ვებსაიტზე „მხარდაჭერის“ განყოფილების ან აპლიკაციის ჩატის საშუალებით.

Joom მოქმედებს გამყიდველების კომერციულ აგენტად ამ ორს შორის დადებული ხელშეკრულებით დადგენილ ფარგლებში, ეს მოიცავს პლატფორმის საშუალებით გამყიდველების სახელით მოლაპარაკებასა და ტრანზაქციების გაფორმების უფლებამოსილებასა და უფლებებს, საიტზე შემოთავაზებული პროდუქტების საბოლოო ფასის დადგენას და (Joom-ის ერთპიროვნული შეხედულებისამებრ) გამყიდველებისთვის დახმარების გაწევას, მყიდველისთვის თანხის დაბრუნებისა და გარანტიის მოთხოვნების მიღებასა და დამუშავებას. Joom თქვენს კომერციულ აგენტად არ მოქმედებს.

Joom არ უზრუნველყოფს გადახდის მომსახურებას — ის უბრალოდ მოქმედებს გამყიდველების აგენტად; მისი როლია, მიიღოს გადახდები გამყიდველების სასარგებლოდ და გამყიდველებს გადაუხადოს დავალიანება, რომელიც თქვენსა და გამყიდველებს შორის პლატფორმაზე განხორციელებულ ტრანზაქციებს უკავშირდება. Joom-ს უფლება აქვს, განსაზღვროს გადახდის სერვისების პროვაიდერები („გადახდის სერვისის პროვაიდერი“), რომელიც შეასრულებს ყველა საჭირო ქმედებას გამყიდველებსა და თქვენს შორის ტრანზაქციებთან დაკავშირებული გადახდების უზრუნველსაყოფად, მისაღებად, შესაძენად, დასამუშავებლად და მომსახურების მიზნით. Joom იტოვებს უფლებას, დანიშნოს გადახდის სერვისის იმდენი პროვაიდერი (PSP), რამდენიც სურს.

თქვენ შესაძლოა, გქონდეთ უფლება, გადახდილი თანხის დაბრუნება მოითხოვოთ. გადახდილი თანხის დაბრუნება, როგორც წესი, ნიშნავს თქვენ მიერ განხორციელებული გადახდის მთლიანად ან ნაწილობრივ უკან დაბრუნებას ბარათის გამცემის მიერ თქვენი მოთხოვნის საფუძველზე, ან შემძენის/სხვა გადახდის სერვისის პროვაიდერის მოთხოვნის საფუძველზე, შესაბამისი გადახდის სქემის წესების მიხედვით.

Joom ფინანსურად პასუხისმგებელია გამყიდველებისთვის გადახდილი თანხის დაბრუნებაზე და ამ მიზეზით აგვარებს მომხმარებლებსა (ბარათის მფლობელებს) და გამყიდველებს შორის თანხის დაბრუნებასთან დაკავშირებულ დავებს. აქედან გამომდინარე, მომხმარებლებთან და თაღლითობის რისკებთან დაკავშირებული გადახდილი თანხის უკან დაბრუნების შემთხვევების გამოძიება ევალება Joom-სა და გადახდის სერვისის პროვაიდერებს, მათი სახელშეკრულებო ორმხრივი ვალდებულებების შესაბამისად.

გამყიდველის წინაშე გადახდის თქვენი ვალდებულება შესრულებულად ჩაითვლება Joom-ის მიერ (ან მისი გადახდის სერვისის პროვაიდერის მიერ, შესაბამისად,) გადახდის მიღების მომენტიდან. Joom (მისი გადახდის სერვისი პროვაიდერის საშუალებით, შესაბამისად,) პასუხისმგებელია გამყიდველებისთვის თანხების გადარიცხვაზე, როგორც ეს გათვალისწინებულია Joom-ის, გამყიდველსა და გადახდის სერვისის პროვაიდერს შორის გაფორმებულ ხელშეკრულებებში. იმ შემთხვევაში, თუ Joom (მისი გადახდის სერვისი პროვაიდერით) გამყიდველს ასეთ თანხებს არ გადაურიცხავს, სამართლებრივ ქმედებას გამყიდველი მხოლოდ Joom-ის (ან მისი გადახდის სერვისის პროვაიდერის, შესაბამისად) წინააღმდეგ წამოიწყებს და არა — უშუალოდ თქვენ წინააღმდეგ.

3. შეწყვეტა

Joom-ს უფლება აქვს, შეწყვიტოს პლატფორმის თქვენ მიერ გამოყენება და/ან თქვენი რეგისტრაციის პრივილეგიები ნებისმიერი მიზეზით, თქვენთვის წინასწარი შეტყობინების გარეშე.

თქვენ ასევე უფლება გაქვთ, პლატფორმაზე თქვენი ანგარიშის წაშლით გაწყვიტოთ წინამდებარე პირობები.

4. კონფიდენციალურობა

თქვენ შესახებ მონაცემების (ხშირად ცნობილია, როგორც პერსონალური მონაცემები) შეგროვებასთან, გამოყენებასთან, გამჟღავნებასთანა და დაცვასთან დაკავშირებით ჩვენი პრაქტიკის შესახებ ინფორმაციის მისაღებად, გთხოვთ, იხილოთ ჩვენი განცხადება კონფიდენციალურობის შესახებ მისამართზე: https://joom.com/privacy.

5. აუცილებელი პირობები თქვენ მიერ გამოქვეყნებული და ნაჩვენები ინფორმაციის შესახებ

თქვენ, როგორც მომხმარებელი ეთანხმებით, რომ თქვენ მიერ გამოქვეყნებული ან ნაჩვენები ნებისმიერი ინფორმაცია:

არის ჭეშმარიტი, ზუსტი, სრული და კანონიერი,

არ არის ცრუ, შეცდომაში შემყვანი ან მოჩვენებითი,

არ შეიცავს ცილისმწამებლურ, სახელის გამტეხ, მუქარის გამომხატველ ან შეურაცხმყოფელ, უცენზურო, არასასიამოვნო, სექსუალურად გამოხატულ ან არასრულწლოვანთათვის დამაზიანებელ ინფორმაციას,

არ შეიცავს დისკრიმინაციულ ინფორმაციას ან ისეთ ინფორმაციას, რომელიც ხელს უწყობს დისკრიმინაციას რასის, სქესის, რელიგიის, ეროვნების, უნარშეზღუდულობის, სექსუალური ორიენტაციის ან ასაკის გამო,

არ ეწინააღმდეგება წინამდებარე წესებსა და განცხადებას კონფიდენციალურობის შესახებ.

6. თქვენი ვალდებულებები

როგორც პლატფორმის მომხმარებელი, თქვენ ეთანხმებით, რომ:

ამ პლატფორმას წინამდებარე პირობებისა და მოქმედი კანონმდებლობის შესაბამისად გამოიყენებთ. ეს ნიშნავს, რომ ვებსაიტზე ან აპში თქვენ მიერ განხორციელებული ქმედებები არ უნდა ეწინააღმდეგებოდეს მოქმედ კანონმდებლობასა და რეგულაციებს.

თუ თქვენ ბიზნესსუბიექტად მოქმედებთ და არა — მომხმარებლად, ამის შესახებ Joom-ს შეკვეთის დასრულებამდე აცნობებთ. ნაგულისხმევად მიგვაჩნია, რომ თქვენ ხართ ფიზიკური პირი და მომხმარებელი, რა მიზნითაც ფუნქციონირებს და მუშაობს პლატფორმა.

მიწოდების მიზნით, მიუთითებთ სწორ და მოქმედ მისამართს. ასეთ ინფორმაციას ვეყრდნობით, მაგალითად, იმის უზრუნველსაყოფად, რომ სწორად გამოვთვალოთ და დავაკისროთ გადასახადები. მისამართი, რომელსაც მიწოდების მისამართად მიუთითებთ, უნდა იყოს ადგილი, სადაც პროდუქტს მიიღებთ და სადაც პროდუქტის გაგზავნა სრულდება. პლატფორმაზე შეკვეთის განთავსებით ადასტურებთ, რომ თქვენ მიერ მითითებული მისამართი სრული, მოქმედი და სწორია.

არ მოატყუებთ რომელიმე პირს ან ორგანიზაციას პლატფორმის გამოყენებით (მაგალითად, მოპარული საკრედიტო/სადებეტო ბარათებით),

არასწორად არ წარმოადგენთ საკუთარ თავს ან თქვენს წევრობას რომელიმე პირთან ან ორგანიზაციასთან (მაგალითად, პლატფორმაზე სხვა პირის სახელით ან სხვისი ავტორიზაციის მონაცემებით დარეგისტრირებით).

არ განახორციელებთ არანაირ ქმედებას, რომელიც დაკავშირებულია სპამთან ან ფიშინგთან.

კონტენტს ან პლატფორმას და/ან სხვადასხვა საკუთრების კომპონენტებს, დირექტორიებს, მონაცემთა ბაზებსა და მათ ჩამონათვალს არ გაუკეთებთ კოპირებას, ექსპლუატაციას, არ მოახდენთ აღნიშნულის ასლში ასახვას ან ექსპროპრიაციას.

არ ჩაერთვებით რაიმე კომპიუტერული ვირუსების, სხვა დესტრუქციული მოწყობილობების, მეთოდებისა და ტექნოლოგიების, მათ შორის კოდებისა და ბოტნეტების გამოყენებაში, რომლებსაც პროგრამული ან აპარატურული უზრუნველყოფის სისტემაზე, მონაცემებზე ან პერსონალური ინფორმაციაზე დამაზიანებელი, დამაბრკოლებელი, შემაფერხებელი ან ექსპროპრიაციის მომხდენი რაიმე სახის გავლენა აქვს.

არ ჩაერთვებით რაიმე სქემაში, რომელიც მიზნად ისახავს Joom-ის და/ან პლატფორმის მიერ გამოყენებული მონაცემების, სისტემების ან ქსელების მთლიანობის შელახვას ან ასეთ მონაცემებზე, სისტემებზე ან ქსელებზე არაავტორიზებული წვდომის მოპოვებას.

არ სცდით ჩვენი API-ის კოპირებას, ასლში რამენაირად ასახვას, ექსპლუატაციას ან ექსპროპრიაციას ან მათზე წვდომის მიღებას, ან მათ გამოყენებას, გარდა იმ შემთხვევისა, როცა ეს კონკრეტული მიზნისთვის Joom-ის მიერ არ არის ნებადართული.

7. ასაკის დადასტურება

პლატფორმაზე დარეგისტრირების უფლება გაქვთ, თუ ხართ 18 წლის ან მეტის, ან 16 წლის და დარეგისტრირდებით თქვენი მშობლების ან კანონიერი მეურვის/მზრუნველის ნებართვითა და თანხმობით. 16 წლამდე ასაკის ბავშვებს უფლება არ აქვთ, გახდნენ Joom-ის მომხმარებლები და მშობლებს ან კანონიერ მეურვეებს არ აქვთ უფლება, მათი სახელით დაეთანხმონ წინამდებარე პირობებს.

თუ ისეთი შტატის, პროვინციის ან ქვეყნის მცხოვრები ხართ, რომელიც პლატფორმის ან მისი რომელიმე ნაწილის გამოყენებაზე დამატებით ან განსხვავებულ ასაკობრივ მოთხოვნებს აწესებს, მომხმარებლად დარეგისტრირებით აცხადებთ, რომ თქვენი მომხმარებლად რეგისტრაცია, თქვენი პერსონალური საიდენტიფიკაციო ინფორმაციის ჩვენთვის მიწოდება და ასეთი პერსონალურად იდენტიფიცირებადი ინფორმაციის კონფიდენციალურობის შესახებ ჩვენი განცხადების შესაბამისად გამოყენება, არ ეწინააღმდეგება ასეთი შტატის, პროვინციის ან ქვეყნის მოქმედ კანონებსა და რეგულაციებს. პერსონალურად იდენტიფიცირებადი ინფორმაციის სიის სანახავად, გთხოვთ, გაეცნოთ განცხადებას კონფიდენციალურობის შესახებ.

8. კომუნიკაცია

იმ შემთხვევაში, თუ მოქმედი კანონმდებლობით თქვენი თანხმობაა საჭირო, ამ პირობების მიღებით თანახმა ხართ, დაგიკავშირდეთ ელფოსტით (თუ მას გაგვიზიარებთ), მობილური ტელეფონით (თუ მას გაგვიზიარებთ) და პლატფორმის სხვა საშუალებებით, მათ შორის push-შეტყობინებებით.

შეტყობინებებს პლატფორმის გამოყენების, უსაფრთხოების ან პლატფორმასთან დაკავშირებულ სხვა საკითხების და სარეკლამო შეტყობინებების თაობაზე გამოგიგზავნით. თქვენი კომუნიკაციის პარამეტრების შეცვლა ნებისმიერ დროს შეგიძლიათ. ამისათვის, შეცვალეთ თქვენი პერსონალური პარამეტრები ან გამოგვიგზავნეთ მოთხოვნა შეცვლის შესახებ privacy@Joom.com-ზე. გთხოვთ, გაითვალისწინოთ, რომ თქვენ არ შეგიძლიათ, უარი თქვათ ჩვენგან მომსახურების შესახებ შეტყობინებების მიღებაზე, მათ შორის უსაფრთხოებისა და იურიდიული შეტყობინებების მიღებაზე, რადგან ასეთი შეტყობინებები მარკეტინგული ხასიათის არ არის.

Joom უფლებამოსილია, მაგრამ არ არის ვალდებული, მთლიანად ან ნაწილობრივ მართოს, უარყოს, შეცვალოს ან წაშალოს ნებისმიერი პოსტი, წარდგენილი მასალა ან კონტენტი, იმ შემთხვევაში, თუ ის წინამდებარე პირობებს ეწინააღმდეგება.

პლატფორმის გამოყენებით ან Joom-თან ან საიტის სხვა მომხმარებლებთან პლატფორმაზე წვდომის მიღების გზით კომუნიკაციის დამყარებით თქვენ ეთანხმებით Joom-ისგან შეტყობინებების მიღებას, მათ შორის ელფოსტით, ტექსტური ან სოციალური ქსელების შეტყობინებებით და სხვა ონლაინ-, მობილური ან ტრადიციული მეთოდებით, რომლებიც ამჟამად არსებობს ან შეიძლება მომავალში არსებობდეს. ასევე, ეთანხმებით, რომ ბოროტად არ გამოიყენებთ პლატფორმაზე წვდომის მიღების შედეგად თქვენთვის ხელმისაწვდომ საკომუნიკაციო საშუალებებს, მათ შორის სპამის, კიბერთაღლითური, არასასურველი კომერციული ან სხვა შეტყობინებების და სხვაგვარად ამ პირობების საწინააღმდეგო კონტენტის გასაგზავნად.

9. საკუთრების უფლება

პლატფორმა და მისი ყველა კომპონენტი და ფუნქცია, კონტენტი და ინტელექტუალური საკუთრების ყველა უფლება, რომელსაც მოიცავს ის ან დაკავშირებულია მასთან, მათ შორის პატენტები, საავტორო უფლებები, სავაჭრო ნიშნები, მომსახურების ნიშნები, ლოგოები, ტექნიკური ინფორმაცია, ან Joom-ის საკუთრებაა, ან მესამე მხარეების საკუთრებაა და ჩვენ მათზე მოპოვებული გვაქვს ლიცენზია. ჩვენ და ჩვენი ლიცენზიის გამცემები სრულად ვფლობთ და ვინარჩუნებთ უფლებებს ზემოთ ნახსენებ ყველა უფლებაზე, ტიტულსა და ინტერესზე. გარდა ამისა, თქვენ უფლება არ გაქვთ, წაშალოთ ან შეცვალოთ ვებსაიტზე, აპლიკაციაში ან კონტენტში მოცემული საავტორო უფლებების, სავაჭრო ნიშნის ან სხვა ინტელექტუალური საკუთრების, ან საკუთრების უფლებების შესახებ შეტყობინება ან წარწერა.

თქვენ უფლება არ გაქვთ, პლატფორმაზე პლატფორმის გარდა სხვა საშუალებებით (ე.ი. Joom-ის მიერ პლატფორმის საშუალებით უზრუნველყოფილი ინტერფეისით) შეხვიდეთ.

გთხოვთ, არ გამოიყენოთ Joom-ის ინტელექტუალური საკუთრების ან კონტენტის არცერთი ნაწილი: პლატფორმის ან მისი რომელიმე ნაწილის გამოყენება არ გაძლევთ რაიმე სახის უფლებას, ლიცენზიას ან ნებართვას, რომ ასლში რამენაირად ასახოთ ან გამოიყენოთ Joom-ის ასეთი ინტელექტუალური საკუთრება და/ან კონტენტი.

10. თქვენი გამოხმაურებისა და კონტენტის წარდგენის შედეგები

Joom მიესალმება კონკრეტული მიზნებით მითითებული ელფოსტის მისამართებით გამოგზავნილ თქვენს გამოხმაურებას. თუმცა, თუ ვებსაიტის, აპის ან მისი რომელიმე ნაწილის საშუალებით გამოგვიგზავნით, გამოაქვეყნებთ ან პლატფორმაზე ჩაამაგრებთ

ნებისმიერ გამოხმაურებას, შეტყობინებას ან კომენტარს,

თქვენს შემოქმედებით ან ორიგინალურ კონცეფციებს ან იდეებს,

ნებისმიერ კონტენტს, მონაცემს, ტექსტს, ფოტოსურათს, გრაფიკას ან სხვა მასალას, ან

ნებისმიერ კონფიდენციალურ, საკუთრების უფლების შესახებ ან სხვა ინფორმაციას ( „წარდგენილი მასალა“),

Joom-ს უცხადებთ და აძლევთ გარანტიას, რომ თქვენ ხართ წარდგენილი მასალის მფლობელი ან გაქვთ უფლება, მიანიჭოთ Joom-ს ქვემოთ მითითებული ლიცენზია.

თქვენ ეთანხმებით, რომ წარდგენილი მასალის მთლიანად ან ნაწილობრივ გამოყენებისთვის Joom არ გადაგიხდით კომპენსაციას ასეთი ლიცენზიის ან წარდგენილი მასალის სანაცვლოდ, პლატფორმით სარგებლობის შესაძლებლობის გარდა, და რომ Joom-ისთვის მასალის წარდგენის შემდეგ ნებისმიერი ასეთი წარდგენა არ ჩაითვლება კონფიდენციალურად ან არასაჯაროდ და რომ მხოლოდ Joom-ს აქვს უფლება, გამოაქვეყნოს ან გამოიყენოს წარდგენილი მასალა მთლიანად ან ნაწილობრივ. თუ წარდგენილი მასალა მთლიანად ან ნაწილობრივ გამოქვეყნებულია ან გამოყენებულია პლატფორმაზე, თანახმა ხართ, რომ წარდგენილი მასალა და მისი კონტენტი საჯაროდ ხელმისაწვდომი გახდეს და შეიძლება გამოყენებულ იქნას სხვების მიერ.

Joom-ისთვის ვებსაიტის, აპლიკაციის ან სხვა საშუალებით მასალის წარდგენით თქვენ:

ეთანხმებით, რომ არ წარადგენთ ისეთ მასალას, რომელიც რაიმე ფორმით ეწინააღმდეგება წინამდებარე პირობებს ან შეიცავს ქვემოთ განსაზღვრულ შეუფერებელ კონტენტს;

ავტომატურად ანიჭებთ Joom-ს მსოფლიო მასშტაბის, ულიმიტო, შეუქცევად, გადაცემად, მინიჭებად, ქველიცენზირებად უფლებამოსილებას, რომ წარდგენილი მასალა გამოიყენოს და რომ ისარგებლოს ყველა საავტორო უფლებით, საჯაროობითა და სხვა უფლებებით, რომლებიც ასეთ მასალასთან არის დაკავშირებული საავტორო უფლებების მოქმედების ვადაში, მათ შორის კანონით გათვალისწინებული ნებისმიერი გაგრძელების შემთხვევაში, ნებისმიერი მიზეზით; და

იღებთ პასუხისმგებლობას პლატფორმაზე წარდგენილი მასალის ასეთ გამოყენებაზე და ვალდებულებას იღებთ, აუნაზღაუროთ ნებისმიერი ზიანი Joom-ს და გაათავისუფლოთ Joom პასუხისმგებლობისგან მესამე მხარის პრეტენზიების შემთხვევაში, რომლებიც შეიძლება ასეთი გამოყენების შედეგად წარმოიშვას.

ასევე პლატფორმის თითოეულ მომხმარებელს ანიჭებთ მსოფლიო მასშტაბის, არაექსკლუზიურ უფლებამოსილებას, წვდომა მიიღოს თქვენს წარდგენილ მასალაზე პლატფორმის საშუალებით, და გამოიყენოს, ასლში ასახოს, შეაგროვოს, გაავრცელოს, გააზიაროს, აჩვენოს და შეასრულოს ასეთი წარდგენილი მასალა პლატფორმის საშუალებით და წინამდებარე პირობებით დაშვებული წესით, საავტორო უფლებების მოქმედების ვადაში, მათ შორის კანონით გათვალისწინებული ნებისმიერი გაგრძელების შემთხვევაში, ნებისმიერი მიზეზით.

11. შეუფერებელი კონტენტი

პლატფორმაზე შეუფერებელი კონტენტის განთავსება დაუშვებელია. შეუფერებელი კონტენტი გულისხმობს მასალას, რომელიც უკავშირდება, მაგალითად, ცეცხლსასროლ იარაღს, ალკოჰოლს, უკანონო ნარკოტიკებსა და ნარკოტიკების მოხმარების ნივთებს, თამბაქოს და თამბაქოს ნაწარმს; ასევე მოიცავს, ზრდასრულთათვის განკუთვნილ ან პორნოგრაფიულ მასალას, შეურაცხმყოფელ მასალას და უხამს მასალას, მათ შორის ჩამოთვლილ ობიექტებზე ნებისმიერი სახის მითითებას ან მათ ხსენებას. ასევე, უფლება გვაქვს, თქვენი ვინაობა ნებისმიერ იმ მესამე მხარეს გავუმჟღავნოთ, რომელიც ამტკიცებს, რომ თქვენ მიერ ჩვენს პლატფორმაზე გამოქვეყნებული ან ატვირთული ნებისმიერი კონტენტი წარმოადგენს მათი ინტელექტუალური საკუთრების უფლებების ან კონფიდენციალურობის უფლების დარღვევას. Joom-ის ნებისმიერი თანამშრომლის, თანამდებობის პირის, პარტნიორის ან მომხმარებლის მიმართ ნებისმიერი სახის სიტყვიერმა ან წერილობითმა შეურაცხყოფამ (მათ შორის, შეურაცხყოფის ან ანგარიშსწორების მუქარამ) შეიძლება გამოიწვიოს თქვენი ანგარიშების დაუყოვნებლივი შეჩერება.

პლატფორმა შეიძლება შეიცავდეს ინფორმაციასა და მასალებს, რომლებიც ატვირთულია პლატფორმის სხვა მომხმარებლების მიერ, მათ შორის საინფორმაციო დაფებსა და ჩატის ოთახებში. აღნიშნული ინფორმაცია და მასალები ჩვენ მიერ გადამოწმებული ან დამტკიცებული არ არის. პლატფორმაზე სხვა მომხმარებლების მიერ გამოთქმული შეხედულებები ჩვენს შეხედულებებს ან ღირებულებებს არ ასახავს.

12. დაკავშირება და მესამე მხარის კონტენტი

პლატფორმა შეიძლება შეიცავდეს მესამე მხარის ვებსაიტების ბმულებს, რომლებსაც ჩვენ არ ვმართავთ და არ ვამუშავებთ. Joom-ს ან მომხმარებლებს უფლება აქვთ, ასეთი ბმულები მხოლოდ მოხერხებულობისთვის მიუთითონ. Joom არ მართავს ბმულით დაკავშირებული ვებსაიტის არანაირ კონტენტს ან ბმულზე განთავსებულ არცერთ ბმულს და პასუხისმგებელი არ არის აღნიშნულზე. ვებსაიტი და/ან აპლიკაცია შეიძლება შეიცავდეს სიახლეებს, რეკლამებს, კონტენტს, სურათებს და ინფორმაციას, რომლებიც გამოქვეყნებულია სხვადასხვა მესამე მხარის პროვაიდერების მიერ. ნებისმიერი ასეთი მესამე მხარის კონტენტის გამოყენება შეიძლება მესამე მხარის პირობებით რეგულირდებოდეს. თქვენ ხართ პასუხისმგებელი საკუთარი თავის, თქვენი მოწყობილობისა და სისტემების დაცვაზე კომპიუტერული ჭიებისგან, ვირუსებისგან, „ტროას ცხენებისგან“ და ნებისმიერი სხვა მავნე კონტენტისგან.

შეგიძლიათ ბმული ჩვენს მთავარ გვერდთან დააკავშიროთ, იმ პირობით, თუ ამას სამართლიანი და კანონიერი გზით გააკეთებთ და არ დააზიანებთ ჩვენს რეპუტაციას და არ ისარგებლებთ ამით. თქვენ არ უნდა განათავსოთ ბმული ისე, რომ მიანიშნებდეთ ჩვენთან რაიმე სახის ასოციაციაზე, ჩვენი მხრიდან მოწონებაზე ან მხარდაჭერაზე, როდესაც ასეთი არ არსებობს, და არ უნდა განათავსოთ ჩვენი პლატფორმის ბმული ისეთ ვებსაიტზე, რომელიც თქვენ არ გეკუთვნით. ვებსაიტი, რომელთანაც აკავშირებთ, ყოველთვის უნდა შეესაბამებოდეს ჩვენს სტანდარტებს კონტენტის შესახებ.

ჩვენი პლატფორმის განთავსება ჩარჩოში სხვა ნებისმიერ პლატფორმაზე აკრძალულია; ასევე, არ გაქვთ უფლება, შექმნათ ბმული ჩვენი პლატფორმის რომელიმე ნაწილზე, გარდა მთავარი გვერდისა. წინააღმდეგ შემთხვევაში, უფლებას ვიტოვებთ, ნებისმიერ დროს გავაუქმოთ დაკავშირების ნებართვა ყოველგვარი წინასწარი შეტყობინების გარეშე.

13. საავტორო უფლებების დარღვევა

თუ ფიქრობთ, რომ თქვენი საავტორო უფლებებით დაცული ნამუშევარი კოპირებულია ისე, რომ წარმოადგენს საავტორო უფლებების დარღვევას, და ხელმისაწვდომია Joom-ზე, გთხოვთ, აცნობოთ Joom-ის საავტორო უფლებების აგენტს მისამართზე ipr@Joom.com. თქვენი შეტყობინების წარდგენისას, გთხოვთ, მიუთითოთ შემდეგი ინფორმაცია:

საავტორო უფლებების მფლობელის სახელით მოქმედი უფლებამოსილი პირის ელექტრონული ან ფიზიკური ხელმოწერა,

საავტორო უფლებებით დაცული იმ ნაშრომის საიდენტიფიკაციო ინფორმაცია, რომლის უფლებებიც დაირღვა,

იმ მასალის საიდენტიფიკაციო ინფორმაცია, რომელიც, სავარაუდოდ, უფლებების დარღვევას წარმოადგენს, და Joom-ზე მისი მდებარეობა,

გონივრულად საკმარისი ინფორმაცია, რათა Joom-მა თქვენთან დაკავშირება შეძლოს, მაგალითად, თქვენი მისამართი, ტელეფონის ნომერი და ელფოსტის მისამართი,

განცხადება, რომ კეთილსინდისიერად მიგაჩნიათ, რომ მასალის გამოყენება საჩივრის შესაბამისად ავტორიზებული არ არის საავტორო უფლებების მფლობელის, მისი აგენტის ან კანონის მიერ, და

განცხადება, რომელიც გაკეთდა ფიცით, რომ ზემოაღნიშნული ინფორმაცია ზუსტია და რომ თქვენ ხართ საავტორო უფლებების მფლობელი ან უფლებამოსილი ხართ, იმოქმედოთ მფლობელის სახელით.

14. გაყიდვები, საბაჟო გადასახადები და გადასახადები (დღგ-ის ჩათვლით)

სამომხმარებლო კანონმდებლობის აღსრულების მიზნით, მტკიცედ მოვუწოდებთ ჩვენს გამყიდველებსა და მომხმარებლებს, კეთილსინდისიერად შეასრულონ ვალდებულებები საბაჟო და დამატებითი ღირებულების გადასახადებთან დაკავშირებით.

საიტზე შეძენისას შეიძლება საჭირო გახდეს გაყიდვების, საბაჟო ან დამატებული ღირებულების გადასახადების გადახდა, რომლებიც გავრცელდება თქვენს შეკვეთებზე და ვალდებული ხართ, დაფაროთ ისინი. პლატფორმის საშუალებით შეკვეთისას თქვენ მოქმედებთ, როგორც საქონლის იმპორტიორი და სრულად უნდა დაექვემდებაროთ იმ ქვეყნის ყველა კანონს და რეგულაციას, რომლიდანაც პროდუქტებს უკვეთთ.

საიტზე ნაჩვენები ფასები მოიცავს მოქმედ დღგ-ს და სხვა გადასახადებს (თუ ეს ვრცელდება პროდუქტსა და ასეთი პროდუქტის შეძენის შესახებ თქვენს ხელშეკრულებაზე). დღგ-ის და სხვა გადასახადების ზუსტი ოდენობა შეიძლება შეიცვალოს მიწოდების მისამართის მითითების სრულად მითითების შემდეგ, თუმცა ყველა შემთხვევაში, ზუსტ და მთლიან თანხას გადახდის ეტაპამდე ნახავთ. თუ ტრანსპორტირების ხარჯები გავრცელდა, ისინიც მოცემული იქნება პლატფორმაზე.

შეკვეთის მთლიანი ღირებულება არის შეკვეთილი პროდუქციის ფასი და მიტანის ხარჯები (ასეთის არსებობის შემთხვევაში). თუ თქვენი შეკვეთის პროდუქტები მოწოდებულია ევროკავშირის არაწევრი ქვეყნებიდან, შესაძლოა შეკვეთაზე მიწოდების საფასური დაგეკისროთ. თქვენს შეკვეთებზე შესაძლოა, გავრცელდეს დამატებითი გადასახადები, მაგალითად, საბაჟო გადასახადები, და შეკვეთის განთავსების შემდეგ შეიძლება მოგეთხოვოთ საკუთარი სახსრებით დაფაროთ ისინი. თქვენ პასუხისმგებელი იქნებით, გადაიხადოთ ნებისმიერი გადასახადი, რომელიც ეხება საიტთან დაკავშირებით თქვენს აქტივობას, თქვენს საცხოვრებელ ქვეყანაში მოქმედი კანონმდებლობის შესაბამისად.

ლოჯისტიკის სხვადასხვა პროვაიდერი, საბაჟო ბროკერი და სხვა მესამე მხარე შეიძლება ჩართული იყოს შეკვეთილი პროდუქტების თქვენთვის მიწოდებაში და განბაჟების აქტივობებში.

პლატფორმაზე შეკვეთის განთავსებით ასევე ეთანხმებით, რომ კომპანიები, რომლებიც პასუხისმგებელნი არიან შეკვეთილი პროდუქტების თქვენთან მიწოდებაზე, გაგიწევენ განბაჟების მომსახურებას თქვენს სახელზე და თქვენი სახელით, საბაჟო ორგანოების მოთხოვნების შესაბამისად. ასეთი ორგანოები ჩაითვლება თქვენ მიერ სათანადოდ უფლებამოსილ ორგანოებად, პროდუქტების მისაწოდებლად საჭირო ნებისმიერი ასეთი საქმიანობის შესრულების მიზნით.

15. როგორ უნდა შეიძინოთ

Joom-ის პლატფორმაზე შეძენა მარტივია. შეგიძლიათ მიჰყვეთ პროდუქტის არჩევიდან შეკვეთის განთავსებამდე (გადახდის ვალდებულების ჩათვლით) მითითებულ ნაბიჯებს.

გთხოვთ, გაითვალისწინოთ, რომ შეიძლება დინამიკურად განვაახლოთ შეკვეთის განთავსების პროცესი, რათა გავაუმჯობესოთ პლატფორმით სარგებლობის თქვენი გამოცდილება ან შევასრულოთ კანონმდებლობაში შეტანილი ცვლილებები.

პლატფორმაზე თქვენ მიერ არჩეული პროდუქტის საფასურის გადახდისას ვალდებული ხართ, პროდუქტის საფასურის გადასახდელად გამოიყენოთ გადახდის სერვისის განსაზღვრული პროვაიდერების (PSP) გადახდისთვის საჭირო სერვისები. თუ არ გსურთ გადახდის სერვისის ხელმისაწვდომი პროვაიდერებით (PSP) გაგრძელება, გთხოვთ, დახუროთ გადახდის ფანჯარა და გააუქმოთ შეკვეთა.

შესაძლოა, გადახდა დამუშავდეს SIA Joom-ის (Gustava Zemgala gatve 78-1, LV-1039, Riga, Latvia) ან Joom USA Inc-ის (701 Palomar Airport Rd Suite 300, Carlsbad, CA 92011) ან Renderwison LTD-ის (FLORINIS 7, GREG TOWER, 2ND FLOOR, 1065, NICOSIA, CYPRUS) ან Cellar Door Limited-ის (Suite 2B, 143 Main Street, GX11 1AA, Giblartal) საშუალებით.

თუ პლატფორმაზე დამატებით შეიძენთ რამეს, თქვენ თანახმა ხართ გადახდის სერვისის იმავე პროვაიდერების (PSP) მომსახურებით სარგებლობაზე, ან გადახდის არსებული მეთოდებიდან სხვა მეთოდის არჩევით შეგიძლიათ შეცვალოთ გადახდის სერვისის პროვაიდერი (PSP).

გამყიდველი თქვენი შეკვეთის ინფორმაციას გადახდიდან 2 საათის შემდეგ მიიღებს. იმ შემთხვევაში, თუ შეძენიდან 2 საათის განმავლობაში აზრს შეიცვლით, შეგიძლიათ გააუქმოთ შეკვეთა შეკვეთის გვერდის ბოლოში (იხილეთ „როგორ უნდა მოითხოვოთ თანხის დაბრუნება“ ქვემოთ) და ის მყისიერად გაუქმდება. გაითვალისწინეთ, რომ აღნიშნული უფლება განსხვავდება გაუქმების უფლებისგან, თუ მასზე ქვემოთ მოცემულ მუხლში მითითებული პირობა ვრცელდება.

გამყიდველს, როგორც წესი, 1-2 დღე სჭირდება თქვენი შეკვეთის გამოსაგზავნად, თუმცა, მიწოდების ზუსტი დრო დამოკიდებულია თქვენს მდებარეობაზე. თუმცა, თუ გამყიდველი შეკვეთას შეკვეთის დღიდან 10 კალენდარულ დღეში არ გამოგზავნის, შეკვეთა ავტომატურად გაუქმდება, ხოლო თქვენ მიერ შეკვეთისთვის გადახდილი თანხა დაგიბრუნდებათ 14 კალენდარული დღის განმავლობაში.

16. თანხის დაბრუნების პირობები. გაუქმების უფლება

გაუქმების უფლება: თუ აღნიშნული გათვალისწინებულია მომხმარებელთა უფლებების დაცვის შესახებ მოქმედი კანონმდებლობით, შეიძლება გქონდეთ უფლება, შეზღუდულ ვადაში გააუქმოთ თქვენი თანხმობა გამყიდველთან პროდუქტის შეძენის შესახებ ხელშეკრულებაზე. ასეთ შემთხვევაში:

პროდუქტის დაბრუნების ხარჯები უშუალოდ თქვენ უნდა დაფაროთ, რადგან Joom დაბრუნების ტრანსპორტირების ხარჯებს არ ფარავს.

თქვენ ვალდებული ხართ, დააბრუნოთ პროდუქტი იმავე მდგომარეობაში, როგორშიც მიიღეთ იგი. ეს იმას ნიშნავს, რომ პროდუქტი უნდა იყოს ახალი, დაუზიანებელი, გამოუყენებელი და წარმოდგენილი უნდა იყოს თავდაპირველი, სრულყოფილი სახით. თქვენ მიერ მისი გამოყენების ან დაზიანების რაიმე სახის ნიშნის დაფიქსირების შემთხვევაში, თანხის დაბრუნების მოთხოვნა შესაძლოა, Joom-ის ერთპიროვნული შეხედულებისამებრ უარყოფილ იქნას.

თქვენ უფლება გაქვთ, მოითხოვოთ გამყიდველისგან თანხის დაბრუნება, თუ:

პროდუქტი არ არის მიღებული შეკვეთის მომენტში მითითებულ დროს, თქვენი ბრ ურთიერთს უზრუნველყოფით. მაგალითად, თუ მიწოდებულ პროდუქტს შეკვეთაში მითითებული აღების წერტილიდან თქვენ არ წამოიღებთ, ეს არ ჩაითვლება არმიწოდებად ან შეკვეთის გაუქმების უფლებით სწორად სარგებლობად (ასეთის არსებობის შემთხვევაში). თქვენი პერიოდი შეიძლება გაგრძელდეს სპეციალურ შემთხვევებში - თქვენ უნდა მიიღოთ ინფორმაცია ნებისმიერი გაფართოების შესახებ სანამ თქვენი შეკვეთა მიღებული იქნება.

პროდუქტის ხარისხი განსხვავებულია და გაწვდილი პროდუქტის აღწერის მიხედვით, და ვერ შეძლებთ სწორად აღჭურვოს პროდუქტისგან. მაგალითად, შეიძლება მოხდეს, თუ მის აღწერაში მოცემული ინფორმაცია არასწორი აღმოჩნდება.

თქვენ გადაწყვეტთ, ისარგებლოთ გაუქმების თქვენი უფლებით (თუ ეს გათვალისწინებულია მომხმარებელთა დაცვის მოქმედი კანონმდებლობით).

Joom-ის მხარდაჭერის გუნდს შეუძლია დაგეხმაროთ და განიხილოს თანხის დაბრუნების მოთხოვნა შეზღუდულ ვადაში, ქვემოთ მითითებულის შესაბამისად.

როგორ ამუშავებს Joom პროდუქტების ხარისხის გამო თანხის დაბრუნების მოთხოვნებს: Joom-ის მხარდაჭერის გუნდი განიხილავს თქვენს პრეტენზიებს პლატფორმაზე შეკვეთილი პროდუქტების ხარისხთან დაკავშირებით, რომლებიც წარდგენილია შესაბამისი პროდუქტის თქვენ მიერ მიღებიდან 30 კალენდარული დღის განმავლობაში, თვალის მიდევნების ფუნქციით Joom-ისთვის ხელმისაწვდომ ინფორმაციაზე დაყრდნობით. იმ შემთხვევაში, თუ 30-დღიანი ვადა ამოიწურა, ან Joom-ის გადაწყვეტილებას არ ეთანხმებით, დაუკავშირდით იმ გამყიდველს, ვისთანაც პროდუქტი შეუკვეთეთ. ზოგიერთ შემთხვევაში, შეიძლება მოგეთხოვოთ დამატებითი მტკიცებულებების წარდგენა (მაგალითად, დეფექტურად მიჩნეული პროდუქტის ფოტო- ან ვიდეომასალა), რათა დავრწმუნდეთ, რომ გაქვთ უფლება, დაიბრუნოთ თანხა ან მიიღოთ სხვა სახის კომპენსაცია გამყიდველის ან Joom-ის მხრიდან (იმ შემთხვევაში, თუ Joom შემოგთავაზებთ რაიმე სახის კომპენსაციას კანონით გათვალისწინებული კომპენსაციის გარდა, რომელსაც უზრუნველყოფს გამყიდველი).

ვის უნდა დაუბრუნოთ პროდუქტი: პროდუქტი გამყიდველს უნდა დაუბრუნოთ. გთხოვთ, გაითვალისწინოთ, რომ თუ გამყიდველი მდებარეობს იმ ქვეყნის გარეთ, საიდანაც თქვენ შეუკვეთეთ პროდუქტი, შესაძლოა, პროდუქტის გაგზავნა სხვა ქვეყანაში მოგიწიოთ, — იქ, სადაც გამყიდველი იმყოფება. დაბრუნების მისამართი ყოველთვის ხელმისაწვდომია პროდუქტის გვერდზე, გამყიდველის შესახებ ინფორმაციის განყოფილებაში. გარდა ამისა, გირჩევთ, დაბრუნების მისამართის დასადასტურებლად ნებისმიერ დროს დაუკავშირდეთ Joom-ის მხარდაჭერის გუნდს.

დაბრუნებული თანხა შეიძლება დაკავებული იყოს, სანამ გამყიდველი დაბრუნებულ პროდუქტს აიღებს ან სანამ პროდუქტის გაგზავნის დამადასტურებელ მტკიცებულებას არ მიაწვდით, რომელიც უფრო მალე მოხდება.

გამონაკლისები თანხმობის გაუქმების უფლებაში:

თქვენ არ გაქვთ უფლება, გააუქმოთ თანხმობა გამყიდველთან გაფორმებულ ხელშეკრულებაზე იმ შემთხვევაში, თუ:

პროდუქტი დამზადებულია თქვენს სპეციფიკაციებზე მორგებით ან აშკარად პერსონალიზებულია.

პროდუქტი შეიძლება დაძველდეს ან სწრაფად გაუვიდეს ვადა.

პროდუქტი არის დალუქული პროდუქტი, რომელიც შეუფერებელია დასაბრუნებლად ჯანმრთელობის დაცვის ან ჰიგიენის მიზნებიდან გამომდინარე, და ლუქი ახსნილ იქნა მიწოდების შემდეგ.

პროდუქტი არის პროდუქტი ან პროდუქტების ნაკრები, რომელიც მიწოდების შემდეგ, მათი ბუნების მიხედვით, განუყოფლად არის კომბინირებული სხვა პროდუქტებთან.

პროდუქტი არის აუდიო- ან დალუქული ვიდეოჩანაწერი ან დალუქული კომპიუტერული პროგრამა, რომლის ლუქი გახსნილია მიწოდების შემდეგ.

პროდუქტი არის გაზეთი, პერიოდული გამოცემა ან ჟურნალი, გარდა იმ შემთხვევისა, როდესაც ასეთი პუბლიკაციები სააბონენტო კონტრაქტებით არის შეძენილი.

გთხოვთ, გაითვალისწინოთ, რომ თანხის დაბრუნების შესახებ თქვენი მოთხოვნა შეიძლება უარყოფილ იქნას ან მხოლოდ ნაწილობრივ დაკმაყოფილდეს Joom-ის ერთპიროვნული შეხედულებისამებრ, რომელიც მოიცავს, მაგრამ არ შემოიფარგლება ქვემოთ მოცემული შემთხვევებით:

გაუქმების შესახებ თქვენი მოთხოვნა ეხება გაუქმების უფლებებში ერთ-ერთ გამონაკლისს (როგორც ზემოთ), ან მოთხოვნა წამოიჭრება 14 დღის შემდეგ, ან

სადავო პროდუქტი არ არის თავდაპირველ მდგომარეობაში (მათ შორის ბრენდის ეტიკეტები, დამცავი მოწყობილობები) და სახეზეა გამოყენების დამატებითი ნიშნები, გარდა იმისა, რაც საჭიროა მისი ბუნების, ფუნქციონალური მახასიათებლების დასადგენად, ასევე შეძენის დროს უკვე არსებული დეფექტის ან ხარისხის პრობლემის გარდა, თანხმობის გაუქმების შემთხვევაში ან

პროდუქტი დაზიანებულია არასწორად გამოყენების ან დაუდევრობის შედეგად (ქიმიკატების, კაუსტიკური ნივთიერებების, ღია ცეცხლის, მაღალი სიცხის, ბასრი საგნის ზემოქმედებით და ა. შ.)

თქვენ ავლენთ დაბრუნების ქცევის უჩვეულო მაგალითებს.

თქვენ მონაწილეობთ თაღლითურ საქმიანობაში, მაგალითად, Joom-ის მხარდაჭერის გუნდს აწვდით შეცდომაში შემყვან მტკიცებულებებს, ინფორმაციას ან ცრუ განცხადებებს, ან უარს ამბობთ მტკიცებულებების წარდგენის ან პროდუქტის დაბრუნების შესახებ ნებისმიერი ინსტრუქციის შესრულებაზე.

თქვენ დააბრუნეთ სხვა პროდუქტი, რომელიც არ არის მიღებული პროდუქტის იდენტური.

Joom დაბრუნების ტრანსპორტირების ხარჯებს არ ფარავს.

17. როგორ მოვითხოვოთ თანხის დაბრუნება?

გამყიდველისგან თანხის დაბრუნების მოთხოვნის რამდენიმე გზა არსებობს:

თუ პროდუქტის შეძენიდან 2 საათზე ნაკლები გავიდა, შეგიძლიათ გააუქმოთ შეკვეთა და თანხის სრულად დაბრუნება. გახსენით „ჩემი შეკვეთები“, აირჩიეთ შეკვეთა, რომლის გაუქმებაც გსურთ, და შეკვეთის გვერდის ბოლოში, დააჭირეთ ღილაკს „შეკვეთის გაუქმება“.

თუ თქვენ მიერ მიღებული პროდუქტის ხარისხი Joom-ის პლატფორმაზე პროდუქტის აღწერილობაში მოცემულ ინფორმაციას არ შეესაბამება. გახსენით „ჩემი შეკვეთები“, აირჩიეთ შეკვეთა, რომელზეც გსურთ თანხის დაბრუნების მოთხვონის გაფორმება, შემდეგ კი აირჩიეთ „პრობლემა პროდუქტთან დაკავშირებით“.

თუ პროდუქტის Joom-ის მიწოდების გარანტიით გათვალისწინებული თქვენთვის მიწოდების ვადა ამოიწურა, რომელიც ხელმისაწვდომია თითოეული პროდუქტის გვერდზე, და თქვენი შეკვეთა ჯერ მოწოდებული არ არის. გახსენით „ჩემი შეკვეთები“, აირჩიეთ შეკვეთა, რომელზეც გსურთ თანხის დაბრუნების მოთხოვნის გაფორმება, შემდეგ კი მწვანე პოპ-აპ ფანჯარაში დააჭირეთ „არას“.

თუ გადაწყვეტთ, თქვენი გაუქმების უფლებით წინა მუხლში მითითებული წესების შესაბამისად ისარგებლოთ. გახსენით „ჩემი შეკვეთები“, აირჩიეთ შეკვეთა, რომელზეც გსურთ თანხის დაბრუნების მოთხვონის გაფორმება, შემდეგ კი აირჩიეთ „პრობლემა პროდუქტთან დაკავშირებით“.

ძველი თანხა უკან გაიგზავნება თქვენი მოწყეთბუ გადახდის გზა. გთხოვთ გაითვალისწინოთ, რომ შეიძლება არსებობოს გამონაკლისები, როგორიცაა, მაგალითად, ტექნიკურად შეუძლიათ აღარ გაწვდონ უკანგა, ან თქვენი ბარათის მოქმედება შეწყვეტილი არის. ამ შემთხვევაში, თქვენ მოგეთხოვებათ მიაწოდოთ სხვა ბარათი ან თქვენი PayPal საფულის დეტალები თანხის დაბრუნების გასაგრძელებლად.

ჩვენი მიზანია, მოქმედი პრეტენზიების შემთხვევაში თანხის დაბრუნების პროცესი 14 დღეზე ნაკლებ დროში დავასრულოთ. ჩვენი დამუშავების დრო, როგორც წესი, 2-3 დღეა.

18. გარანტიის უარყოფა და პასუხისმგებლობის შეზღუდვა

რამდენადაც ეს შესაძლებელია მარეგულირებელი კანონმდებლობით, თქვენ მიერ პროდუქტის გამოყენება თქვენივე რისკის ქვეშაა.

მოქმედი კანონმდებლობით დაშვებულ ფარგლებში, Joom, ლიცენზიის მისი გამცემები ან მომმარაგებლები და გამყიდველი ამით ასევე აცხადებენ გამოხატულ უარს ყველანაირ პასუხისმგებლობაზე, რომელიც ეხება პროდუქტის გაუმართაობასთან დაკავშირებით ნებისმიერ პრეტენზიას, რომელიც გამოწვეულია პროდუქტის არასწორად გამოყენებით, ბოროტად გამოყენებით, პროდუქტის მოდიფიკაციით, თქვენ მიერ პროდუქტის არასათანადო შერჩევით ან ნებისმიერი და ყველა მოქმედი კანონის დარღვევით.

კანონით დაშვებული შემთხვევების გარდა, Joom არ გამორიცხავს, ზღუდავს ან აჩერებს თქვენს სხვა უფლებებს, რომელთა შეზღუდვა ან გამორიცხვა კანონიერად შეუძლებელია. კერძოდ, ამ წესებში არაფერი არ გამორიცხავს პასუხისმგებლობას:

სიკვდილი ან პირადი დაზიანება

Joom-ის უხეში დაუდევრობა

გამყიდველის კანონიერი გარანტია ფარული დეფექტებისთვის და პროდუქციის შესაბამისობის კანონიერი გარანტია.

გადაცემა. თქვენ არ გაქვთ უფლება, რაიმე ფორმით (კანონის ძალით ან სხვაგვარად) გადასცეთ ან სხვაზე გადაანაწილოთ წინამდებარე პირობებით გათვალისწინებული თქვენი უფლებები ან ვალდებულებები, ან გადასცეთ პლატფორმის თქვენი ანგარიში Joom-ის წინასწარი წერილობითი თანხმობის გარეშე. ჩვენ არ გვაქვს უფლება, გადავცეთ ან სხვაზე გავანაწილოთ წინამდებარე პირობებით გათვალისწინებული ჩვენი უფლებები და მოვალეობები, რამაც შეიძლება თქვენი უფლებების თქვენი თანხმობის გარეშე შეკვეცა გამოიწვიოს.

19. კანონის არჩევანი, იურისდითე და დავა გადაჭრის

ყველა პრეტენზია და დავა (მათ შორის არასახელშეკრულებო პრეტენზიები და დავები), რომლებიც წარმოიქმნება თქვენი პლატფორმის გამოყენებასთან დაკავშირებით, განიხილება თქვენი საცხოვრებელი ქვეყნის კანონმდებლობის შესაბამისად. ჩვენ ვთანხმდებით, რომ ნებისმიერი დავა გადაეგზავნება რიგის რაიონის სასამართლოების არაექსკლუზიურ იურისდიქციას.

თუ გსურთ, რომ რაიმე საკითხზე გავამახვილოთ ყურადღება, გთხოვთ, დაგვიკავშირდით ვებსაიტზე „მხარდაჭერის“ განყოფილების ან აპლიკაციის ჩატის საშუალებით.

20. შეტყობინება დავის შესახებ

ნებისმიერი დავის ან სასამართლო პროცესის წამოწყებამდე, თქვენ და Joom თანხმდებით, რომ ამის შესახებ ჯერ ერთმანეთს წერილობითი შეატყობინებთ (შეტყობინება დავის შესახებ). დავის შესახებ შეტყობინება უნდა მოიცავდეს შემდეგს:

პრობლემის წერილობითი აღწერა და შესაბამისი დოკუმენტები და დამადასტურებელი ინფორმაცია.

განცხადება გადაჭრის კონკრეტული ხერხის მცდელობის შესახებ.

დავის შესახებ შეტყობინება უნდა გაიგზავნოს შემდეგ მისამართზე: 78-1, Gustava Zemgala St, LV-1039, რიგა, ლატვია ან წარდგენილი იყოს ვებსაიტის საკონტაქტო ფორმით მხარდაჭერის განყოფილების ან აპლიკაციაში მხარდაჭერის ჩატის საშუალებით. Joom დავის შესახებ შეტყობინების თაობაზე Joom-ის მომხმარებლის იდენტიფიკატორთან დაკავშირებული ელფოსტის მისამართზე გაცნობებთ. თქვენ და Joom თანხმდებით, რომ დავის მოგვარებას დავის შესახებ შეტყობინების გაცემიდან 45 დღის განმავლობაში შეეცდებით და არ წამოიწყებთ რაიმე სასამართლო წარმოებას შეტყობინების გაგზავნიდან 45-დღიანი პერიოდის გასვლამდე.

21. როგორ დაუკავშირდეთ Joom-ს

პლატფორმასთან დაკავშირებული ნებისმიერი შეკითხვის ან პრობლემის შემთხვევაში, დაუკავშირდით Joom-ის მხარდაჭერის გუნდს ვებსაიტზე მხარდაჭერის განყოფილებაში მითითებული საკონტაქტო ფორმის ან აპლიკაციაში ჩატის საშუალებით.

თქვენი პერსონალური მონაცემების სამართავად გამოგვიგზავნეთ ელწერილი მისამართზე: privacy@joom.com.

საავტორო უფლებების დარღვევის შესახებ შესატყობინებლად, გთხოვთ, გვაცნობეთ მისამართზე: ipr@joom.com.